आज वि. सं. २०७८ साल पौष महिनाको २ गते शुक्रबार, मंसिर शुक्लपक्षको चतुर्दशी तिथि रहेको छ ।

मेष
घमण्डि व्यवहार बढेर जाने छ । पेशागत जीवन अनुकुल रहने छ । चलाख खालको व्यक्तित्व भने बन्ने छ । आर्थिक पक्ष सवल बन्ने छ । दाम्पत्य जीवनमा भने कठिनाईको सामना गर्नु पर्ने छ । चिसोजन्य स्वास्थ्य समस्याले सताउने छ ।

वृष
दृढ खालको विचार हुँदाहुँदै पनि कडा शैलीको व्यक्तित्व बन्दा जोकोहीसँग मिल्न नसक्ने बानी देखिने छ । धेरै रिस उठ्ने भएकाले झैझगडाको अवस्था आउने छ । भोग विलासी शैली देखिने छ । पेशागत क्षेत्र र आर्थिक पक्ष सकारात्मक रहने छ ।

मिथुन
राजसी ठाँटबाँट देखिने छ । तडग भडकपूर्ण जीवनशैली देखिने छ । दृढ खालको व्यक्तित्व हुँदा कसैले पनि हेप्न सक्ने छैनन् । परिवारमा भने झैझगडापूर्ण वातावरण रहने छ । पेशागत जीवन औसत खालको हुने छ । खर्च धेरै हुने छ ।

कर्कट
भोज भतेर जस्ता पार्टीहरुमा सहभागि हुन पाइने भए पनि मन प्रफुल्ल भने हुने छैने । एक तमासको एकोहोरोपनाले मनलाई बाँध्ने छ । कमजोर मनोबल हुने हुँदा आत्मविश्वासको कमि हुने छ । पेशागत जीवनमा धैर्य भएर कदम चाल्नु होला । अनावश्यक क्षेत्रमा खर्च बढ्न पुग्ने छ ।

सिंह
मानसिक र शारीरिक हाउभाउमा परिवर्तन आउँदा अरुले अनौठो मान्ने छन् । तनावपूर्ण वातावरणको सामना गर्नु पर्ने छ । खर्च धेरै हुने हुँदा आर्थिक कठिनाईबाट गुज्रनु पर्ने छ । मित्रहरुकै बीचमा वैमनश्यता देखिने छ । परिवारको साथ नहुँदा एक्लो महशुस हुने छ ।

कन्या
रुखो खालको व्यक्तित्व हुँदा हाँसो मजाकमा पनि नरम्ने स्वाभाव देखा पर्दा एकलकाँटे स्वाभाव आउने छ । आय स्रोतका क्षेत्रमा अवरोधहरु आउँदा आर्थिक सन्तुलन बिग्रने छ । सवारीसाधनसम्बन्धी विषयमा धैर्य भएर कदमहरु चाल्नु होला पेशागत जीवनबाट धेरै अपेक्षा भन्दा निरन्तरतालाई ध्यान दिनु होला ।

तुला
आफैले विश्वास गरेका पात्रहरुबाट धोका हुने छ । परिवारमा किचलोको अवस्था हुने हुँदा सामाजिक रुपमा बद्नामी व्योहर्नु पर्ने छ । जीवनसाथिको अदम्य साथका कारण ठुलो राहत मिल्ने छ । पेशागत जीवनमा धेरै जोखिम लिने भन्दा सुस्त गतिमा धैर्य कदम चाल्नु उपयुक्त होला ।

वृश्चिक
उदास मनोभावले गर्दा साथिभाइहरुबाटै छेडछाड सहनु पर्ने छ । मनमा धेरै विचारहरु लहरसाथ आउने हुँदा एकाग्रताको अभाव हुने छ । पेशागत जीवनमा चुनौतिको सामना गर्नु पर्ने भएकाले धैर्य भएर कदम चाल्नु होला । भाग्यले साथ नदिएका कारण कामहरु बन्ने छैनन् । आर्थिक पक्ष सन्तोषजनक हुन सक्ने छैन् ।

धनु
चलाख खालको व्यक्तित्व हुँदा हुँदै पनि असजिलो परिस्थितिबाट उम्कन निकै संघर्ष गर्नु पर्ने छ । आफुले आफैलाई निकै कमजोर महशुस हुने छ । स्वास्थ्य समस्या देखिँदा अस्पतालजन्य खर्च बढ्न पुग्ने छ । बोलीलाई नियन्त्रित गर्ने प्रयास गर्नु होला । पेशागत जीवन औसत प्रकृतिको रहने छ ।

मकर
असन्तोषी स्वाभावले गर्दा दुःख पाइने छ । सन्तोष लिने प्रयास गर्नु होला । कडा खालको व्यक्तित्व हुँदा लचकताको अभाव हुने छ । पेशागत जीवनमा झैझगडाको अवस्था आउने भएकाले सतर्क रहनु होला । आर्थिक पक्ष भने सवल बन्ने छ । घर घडेरी किन्ने योग छ ।

कुम्भ
विदेश यात्रामा सकारात्मक नतिजा आउने छ । आशावादी विचारहरु मनमा आउने छन् । नयाँ नयाँ काम गरौँ गरौँ लाग्ने छ । पेशागत क्षेत्रबाट सन्तोष मिल्ने छ । सम्मान पाइने तथा कदर मिल्ने छ । पारीवारिक विषयले भने तनाव दिने छ । आर्थिक पक्ष औसत खालको हुने छ । धार्मिक स्वाभाव देखिने छ ।

मीन
अरु भन्दा फरक खालको व्यक्तित्व देखिन मन लाग्ने छ । बोलीको प्रभाव उच्च हुने छ । परिवारमा मिलन हुने र विश्वास बढ्ने छ । पेशागत जीवन सकारात्मक बन्ने र आर्थिक लाभ प्राप्त हुने छ । बौद्धिक क्षेत्रमा आवद्धहरुले पनि नयाँ नयाँ काम गर्ने अफर प्राप्त गर्ने देखिन्छ । विदेश यात्रामा भने केही कठिनाई आउने छ ।

(ज्यो. गुरु दिवाकर पन्त– ज्योतिषी, वास्तुविद्, रत्नविद् एवं हस्तरेखाविद् हुन् सम्पर्क– ९८१३६३७२३८)