काठमाडौँ । नेपाल सरकारले आफ्नो निर्णय सच्याएको छ । पर्यटन व्यवसायीलगायत संस्थाले विरोध गरेपछि ६७ देशबाट नेपाल आएकाहरूले अनिवार्य ७ दिन क्वारेन्टिनमा बस्नु पर्ने निर्णय सरकारले सच्याएको हो ।

अर्को सूचना जारी नहुँदासम्म क्वारेन्टिन बस्नु नपर्ने अध्यागमन विभागले जनाएको हो । तर, कोभिड मापदण्डसम्बन्धी अन्य नियमहरू भने यथावत रहने छ । क्वारेन्टिन बस्नु पर्ने नियमको पर्यटन व्यवसायीले विरोध गरेका थिए ।

विभागले जर्मनी, बेल्जियमसहित युरोपेली मुलुक र खाडी मुलुकबाट नेपाल प्रवेश गरेकाहरूले अनिवार्य हप्ता दिन क्वारेन्टिन बस्नु पर्ने निर्णय गरेको थियो । ती मुलुकमा कोरोना भाइरसको नयाँ भेरिएन्ट ओमिक्रोन तीव्र गतिमा फैलिएको छ ।