काठमाडौँ । आज नेपालमा न्यून चापीय प्रणालीको आंशिक प्रभाव देखिएको छ । जसले गर्दा पहाडी भागहरूमा आंशिक बदली रही बाँकी भागको मौसम सामान्यतया सफा रहेको छ ।

मौसम पूर्वानुमान महाशाखाका अनुसार आज दिउँसो पहाडी भागमा आंशिकदेखि सामान्य बदली रही बाँकी भागमा आंशिक बदली रहने छ । देशको उच्च पहाडी तथा हिमाली भागका थोरै स्थानमा हल्का हिमपातको सम्भावना रहेको छ ।

यस्तै, आज राति प्रदेश १, बागमती र गण्डकी प्रदेशको पहाडी भागमा आंशिकदेखि सामान्य बदली रही बाँकी भागमा आंशिक बदली रहने छ ।

महाशाखाले तराईका भागहरुममा बिहानको समयमा हुसु कुहिरो लाग्नुका साथै देशभर चिसो बढ्ने क्रममा रहेकाले आवश्यक सुरक्षा एवं सतर्कता अपनाउन आग्रह गरेको छ ।