काठमाडौँ । कैलालीमा रुखबाट लडेर एक जनाको मृत्यु भएको छ । जिल्लाको गोदावरी नगरपालिका ४ का २५ वर्षीय बिर्ख बोहराको घर नजिकैको रुखमा स्याउला काट्ने क्रममा लडेर मृत्यु भएको प्रहरीले जनाएको छ ।

लडेर घाइते भएका बोहरालाई पद्मा अस्पतालमा ल्याइएको त्यहाँ उपचार सम्भव नभएपछि धनगढीको सेती प्रादेशिक अस्पतालमा रिफर गरिएको थियो । उनको सोमबार राति उपचारकै क्रममा मृत्यु भएको जिल्ला प्रहरी कार्यलय कैलालीका सूचना अधिकार एवं प्रहरी नायव उपरिक्षक वेदप्रकाश जोशीले बताए ।