काठमाडौँ । सरकारले तोकेभन्दा बढी शुल्क मागेको भन्दै विद्यार्थीहरुले सिनामंगलस्थित काठमाडौँ मेडिकल कलेजमा ताला लगाएका छन् । कलेजले शिक्षण शुल्कबाहेक विभिन्न शीर्षकमा २० लाख रुपैयाँ अतिरिक्त शुल्क मागेको भन्दै विद्यार्थीहरुले कलेजमा ताला लगाएका हुन् ।

चिकित्सा शिक्षा आयोगले गत वैशाख २९ गते तोकेको शुल्कअनुसार उपत्यकाभित्र ४० लाख २३ हजार २५० रुपैयाँ र उपत्यकाबाहिर ४४ लाख ३६ हजार रुपैयाँ रहेको छ । केएमसीले विद्यार्थीलाई उपलब्ध गराएको शुल्कको विवरणमा शिक्षक शुल्कबाहेक नै २० लाख बढी मागेको एक विद्यार्थीले बताए ।

ती विद्यार्थीका अनुसार अहिले जिल्ला प्रशासन कार्यलय काठमाडौँमा उजुरी दिने तयारी भएको छ ।