काठमाडौं । नेपालमा पछिल्लो २४ घण्टामा २६४ जनामा कोरोना भाइरस कोभिड संक्रमण पुष्टी भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा आरटी पीसीआर परिक्षण गर्दा २४१ जना र एन्टिजन परिक्षण गर्दा २३ जना गरि जम्मा २६४ जना नयाँ संक्रमित थपिएका हुन् ।

पछिल्लो २४ घण्टामा कोरोना संक्रमणबाट थप दुई जनाको मृत्यु भएको मन्त्रालयले जनाएको छ । योसहित अहिलेसम्म कोरोना संक्रमण पुष्टी भएका ११ हजार ५ सय ८८ जनाको मृत्यु भएको छ ।

त्यस्तै, पछिल्लो २४ घण्टामा २६० जना कोरोनामुक्त भएका छन् । मन्त्रालयकाअनुसार नेपालभर हालसम्म कोरोना संक्रमित निको हुनेदर ९८ प्रतिशत रहेको छ ।

पछिल्लो २४ घण्टामा १२ हजार ५६६ जनाको कोरोना परिक्षण गरेका थिए भने दुई लाख ८३ हजार २६५ जनाले खोप लगाएका थिए ।

हाल नेपालमा कोरोनाका सक्रिय संक्रमितको संख्या ४ हजार ९१० रहेको मन्त्रालयको अध्यावधिक विवरणमा उल्लेख छ ।