काठमाडौं । एसीसी यु–१९ एसिया कप क्रिकेटमा नेपाली टोली जितविहिन बन्न पुगेको छ ।

यसअघि नै प्रतियोगिताबाट बाहिरिसकेको नेपाल मंगलबार कुवेतसँत १ विकेटले पराजित भएपछि निराश भएर फर्किँदैछ ।

मंगलबारको नेपालको अन्तिम खेलमा कुवेतले ४८ ओभर ५ बलमा ९ विकेट गुमाउँदै २४१ रन बनाएको थियो ।

कुवेती कप्तान मित भावसरले २४ चौका र १ छक्काको मद्दतमा अविजित शतक पार गर्दै १७७ रन जोडेका थिए ।

लिगबाट बाहिरिसकेको कुवेतले भने आफ्नो अन्तिम खेलमा नेपाललाई हराउँदै सान्त्वना जितमा चित्त बुझाएको छ ।

समूह ‘बी’ मा यसअघि नेपाल पहिलो खेलमा बंगलादेश र दोस्रो खेलमा श्रीलंकासँग पराजित भएको थियो ।