काठमाडौँ । तमु ल्होछारको अवसरमा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ शुभकामना दिएका छन् । नेपाल बहुजातीय, बहुभाषिक, बहुधार्मिक र सांस्कृतिक विविधताले भरिएको देश भएको भन्दै तमु ल्होछार आफ्नै मौलिकता परम्परा र सांस्कृतिक महत्व राखेको बताएका छन् ।

‘यो समुदाय सदियौंदेखि आफ्ना रीति, परम्परा र संस्कृतिको संरक्षण र सम्बर्धन गर्दै आइरहेको छ,’ प्रचण्डले जारी गरेको विज्ञप्तिमा भनिएको छ, ‘जनताको संघर्ष र वीरतापूर्ण बलिदानबाट प्राप्त संघीय लोकतान्त्रिक गणतन्त्रको रक्षाका लागि सम्पूर्ण उत्पीडित समुदायकाबीच सहिष्णुता र आपसी ऐक्यवद्धता अपरिहार्य छ ।’

उनले यस पर्वले तमु जातिलगायत सम्पूर्ण नेपालीबीच सहिष्णुता र सद्भावको भावना जागृत रहने विश्वस व्यक्त गरेका छन् ।