काठमाडौं । राष्ट्रिय सभामा सदस्यका लागि आजदेखि निर्वाचन प्रक्रिया शुरू हुने भएको छ । १९ जना राष्ट्रिय सभा सदस्यका लागि आगामी माघ १२ गते मतदान हुँदैछ ।

राष्ट्रिय सभा सदस्यका लागि आजदेखि निर्वाचन प्रक्रिया शुरु गरिने निर्वाचन आयोगले जनाएको छ ।

निर्वाचन कार्यक्रमअनुसार पुस २० देखि २५ गतेसम्म उम्मेदवारको अन्तिम नामावली प्रकाशन तथा निर्वाचन चिह्न प्रदान गरिनेछ । राष्ट्रिय सभा निर्वाचनमा भाग लिन १२ दल दर्ता भएका छन् ।

निर्वाचन आयोगले निर्वाचन अधिकृत यसअघि नै नियुक्त गरिसकेको छ । मतदान स्थल र केन्द्र पनि तय गरिसकेको छ ।

आयोगकाअनुसार, राष्ट्रियसभा निर्वाचनका लागि स्थानीय तहमा १४९३ जना र प्रदेश सभाका ५३२ जना गरी दुई हजार २५ मतदाता रहेका छन् ।

मतदानका लागि आठ वटा मतदानस्थल र १४ वटा मतदान केन्द्रको व्यवस्था गरिएको छ ।

आगामी फागुन २० बाट राष्ट्रिय सभा सदस्यहरुको पदावधि सकिदैछ ।