आज वि.सं. २०७८ साल पौष महिनाको २३ गते शुक्रबार, पौष शुक्लपक्षको पञ्चमी तिथि रहेको छ ।

मेष
पेशागत जीवन स्थिर खालको हुने छ । साझेदारीमा गरिएका कामहरुमा गम्भीर बादबिबाद र असमझदारी आउने भएकाले संयमित रहनुहोला । आम्दानीको हकमा औसत रहने छ । यसले गर्दा दबाब सृजना हुने छ । कमाई बढाउनका लागि अस्वाभाविक दबाब लिने समय नभएकाले जे जति प्राप्त भएको छ त्यसमा सन्तुष्टि लिनु नै उपुक्त होला । अध्ययन अध्यापनमा भने प्रगति हुने छ ।

वृष
मनोबल कमजोर हुने छ । धैर्यताका साथ पाइला चाल्नु उपयुक्त हुने छ । शारीरिक र मानसिक कमजोरीले सताउने छ । यसको सन्तुलनका लागि नियमित रुपमा शारीरिक ब्यायाम, योगाभ्यास, ध्यान, जप, प्रकृतिक भ्रमण जस्ता कार्य गर्नु भएमा लाभ मिल्ने छ । पारीवारिक सदस्यहरुका बीच पनि द्वन्द देखा पर्ने छ । पेशागत जीवनमा धेरै संघर्ष गर्नु पर्ने छ । पेशागत जीवनम धेरै बादबिबादमा नजानु नै उपयुक्त हुने छ ।

मिथुन
पेशागत क्षेत्र अनुकुल रहने छ । आम्दानीमा बृद्धि देखिने छ । व्यक्तित्वमा दृढता आउने छ । तर सानो सानो विषयमा पनि कडाखाले रिस उठ्ने व्यक्तित्व हुने भएकाले यसबारेमा संयमित रहनु होला । मेहनत र पराक्रमीपनामा मन दृढ हुने भए पनि सो अनुसार शारीरिक शक्ति प्राप्त नहुँदा मेहनत र पराक्रममा असन्तुलन पैदा हुने छ । परिवारप्रति समर्पित हुन स्वाभाव हुने छ ।

कर्कट
भाग्यको साथ रहनाले आँटिलो स्वाभाव हुने हुँदा कठिन परिस्थितिसँग जुध्न तागत आउने छ । धन सम्पत्तिका विषयमा कलहको अवस्था आउने भएकाले सतर्क रहनु नै वेश हुने छ । पेशागत जीवनमा मनले चाहे जस्तो वा योजना बनाए जसरी सफलता नआउने भएकाले चित्त बुझाउँदै पाइला निरन्तर चाल्नु नै वेश होला । आम्दानीमा कमि आउँदा परिवारको आर्थिक सन्तुलनमा अस्थिरता आउने छ ।

सिंह
बोलीको प्रभाव बढ्न पुग्ने छ तर बोलीमा असाध्यै कडापना पनि बढ्न जाने भएकाले यसबारेमा ध्यान दिनुहोला । मानसिक रुपमा सवल हुने भए पनि शारीरिक रुपमा भने स्वास्थ्यमा कमजोरी देखा पर्न जाने छ । यसले गर्दा मनोबल कमजोर हुने र दृढताको अभाव हुने हुँदा कार्यसफलतामा कमि आउने छ । पेशागत जीवन औसत खालको रहँदा राहत मिल्ने छ ।

कन्या
शारीरिक र मानसिक रुपमा कमजोरीहरु देखा पर्ने छन् । व्यक्तित्वमा गिरावट आउने छ । पेशागत जीवन औसत रहने भएता पनि आम्दानीमा भने केही बृद्धि हुन जाने छ । भाग्यको साथको नभएका कारण स–साना विषयमा पनि धेरै संघर्ष झेल्नु पर्ने र धेरै उर्जा खर्च गर्नुपर्ने हुन्छ । दाम्पत्य जीवनमा पनि चुनौति थपिने भएकाले शान्त भावले पाइला चालेमा उचित हुने छ ।

तुला
मानसिक सवलता हुने छ, आफुले सोचेको विषयमा संकल्पित व्यक्तित्व हुने छ । सो अनुसारको शारीरिक मजबुदी नहुने भएकाले मनोबलको अभाव हुने छ । शारीरिक हिसावले शिथिलता देखा पर्ने छ । व्यक्तित्वमा दृढता नहुँदा अरुले हेप्ने छन् । पेशागत जीवनमा उचार चढावको सामना गर्नु पर्ने छ । प्रतिष्पर्धात्मक क्षमतामा पनि गिरावट आउने हुँदा यसको सन्तुलनका लागि शारीरिक अभ्यास, संगीत श्रवण, योगाभ्यास, ध्यान, जप आदी गर्नाले फाइदा मिल्ने छ ।

वृश्चिक
बौद्धिक क्षेत्रमा प्रगति हुने छ । पेशागत जीवनमा अनपेक्षित समस्याका क्रमहरु एकपछि अर्काे गरि देखा पर्ने छन् । प्रतिष्पर्धीहरुसँग जुध्न मानसिक रुपमा तयार रहे पनि शारीरिक रुपमा कमजोरी हुने हुँदा मनोबलमा गिरावट आउने छ । धेरै जोखिमपूर्ण लगानीका क्षेत्रहरुमा हात हाल्ने समय रहेको छैन् । यसले प्रतिष्पर्धात्मक क्षमतामा पनि गिरावट गराई दिने छ । परिवारमा अशान्तिको अवस्था रहने छ ।

धनु
दृढ खाले ब्यक्तित्व हुने भएकाले कसैले पनि हेप्न सक्ने छैनन् । जुनसुकै कठिन समयमा पनि संघर्ष गर्ने साहस आउने छ । साझेदारीमा गरिएका कामले भने तनाव थप्ने छ । जीवनसाथिको शारीरिक स्वास्थ्यमा आउने गडबढिले तनाव उत्पन्न गराउने छ । यौन जीवनसँग सम्बन्धित विषयमा संयमित रहनु नै ठिक हुने छ । पेशागत जीवनमा अस्थिरता देखाका क्रम देखिने छ । आम्दानीमा चित्त बुझाउनु पर्ने छ ।

मकर
समय प्रतिकुलतर्फ केन्द्रीत रहेकाले संयमित रहनु होला । पारीवारिक तनावहरु उत्पन्न हुन जाने छन् । परिवारका सदस्यहरुबीच झगडा र द्वन्द आउने छ । व्यक्तिगत हिसावले शितल स्वाभाव चरित्र हुने भए पनि पारीवारिक जीवनमा भने असन्तोषको वातावरण देखा पर्न जाने छ । भाग्यको साथ नरहेकाले कार्यसफलतामा बाधा व्यवधानहरुको सामना गर्नु पर्ने छ ।

कुम्भ
दुविधात्मक व्यक्तित्व बन्ने छ । भाग्यहिनताका कारण कार्य असफलताका मात्राहरु देखा पर्ने छन् । व्यावसायिक तथा पेशागत जीवनमा उतारचढाव आउने छ । आम्दानीमा हुने बृद्धिले केही राहत प्रदान गर्ने छ । यानेकी आर्थिक अवस्था भने सन्तुलित नै रहने छ । पैतृक सम्पत्ति तथा आफुले कमाएको धन सम्पत्तिका विषयमा भने द्वन्दहरु देखा पर्ने छ ।

मीन
कमजोर खालको मनोबल हुने छ । आफैले आफैमाथि विश्वासको अभाव हुने छ । मनोवलको अभावले गर्दा भाग्यहिनताको अवस्था महशुस हुने छ । प्रतिष्पर्धात्मक स्वाभावमा पनि कमि हुने हुँदा प्रतिष्पर्धाका विषयमा डर लाग्ने छ । पेशागत क्षेत्रमा भने ठिक नै रहने हुँदा यसले ठुलो राहत दिने छ । साझेदारीमा गरिएका काममा बिबाद चर्किने छ । दाम्पत्य जीवनमा एकअर्कामा विश्वासको मात्रा बढ्ने छ ।

(ज्यो. गुरु दिवाकर पन्त– ज्योतिषी, वास्तुविद्, रत्नविद् एवं हस्तरेखाविद् हुन् सम्पर्क– ९८१३६३७२३८)