आज वि.सं. २०७८ साल पौष महिनाको २५ गते आइतबार, पौष शुक्लपक्षको सप्तमी तिथि । आज रविसप्तमी रहेको छ ।

मेष
नयाँ नयाँ काम गर्नमा उत्साह आउने छ । यात्रामा सफलता मिल्ने छ । समय सकारात्मक रहेकाले उन्नति प्रगतिका अवसरहरु प्राप्त हुने देखिन्छ । पेशा ब्यवसायमा पनि सकारात्मक परिणामहरु प्राप्त हुने छ । मनमा दृढता आउने भएकाले अन्योलता हट्ने छ । परीवारिक जीवनबाट शान्तिपूर्ण अवस्था आउने छ ।

वृष
पेशागत र ब्यावसायिक जीवनमा सकारात्मक कदमहरु अघि बढ्ने छ । जग्गा जमिन खरिद गर्ने विषयमा प्रगति हुने छ ।साझेदारीमा भए गरेका कामहरुमा भने द्वन्द देखिने भएकाले सतर्क भई कदम चाल्नु नै उचित हुने छ । व्यक्तित्वमा दृढता आउँदा बलियो खालको स्वाभाव बन्ने छ । मेहनत र पराक्रमी स्वाभाव कायम हुने छ ।

मिथुन
मित्रतामा मधुरता आउने छ । मधुरो बोली हुने हुँदा अरुको मन सहजै जित्न सकिने छ । आम्दानीमा बृद्धि देखा पर्नेछ । परिवारमा प्रेम, मिलन तथा शान्तिपूर्ण वातावरण हुनेछ । परिवारका सदस्यहरुबीच सहयोगी भावमा बृद्धि हुँदा उन्नति प्रगतिका दिशा कायम हुनेछ । रिसको मात्रामा भारी बृद्धि हुने भएकाले विचार पुर्याउनु पर्ने देखिन्छ ।

कर्कट
मनमा आउने दृढताले जस्तो सुकै काम पनि गर्न सक्छु भन्ने चाँही लाग्ने छ । पेशागत जीवनमा समस्याहरुसँग जुध्दै अघि बढ्नु पर्ने समय रहेको छ । अरुलाई सहयोग गर्ने बानी हुने छ । दाम्पत्य जीवनमा मिठासपनाको अभाव देखिए तापनि कठिन अवस्थामा एकअर्कालाई सहयोग गर्ने बानी देखा पर्दा भविष्यका योजना निर्माण गर्न मद्धत मिल्ने छ । भाग्यहिनताले गर्दा थालिएका कामहरु निकै ढिला गरि मात्र सफलतातर्फ जाने छन् ।

सिंह
ब्यावसायिक जीवनमा सकारात्मक परिणामहरु देखिने छ । आर्थिक पक्ष सवल बन्ने छ । आफ्नो काम प्रति गौरव बढ्ने छ । आफ्नो काम फत्ते गर्नका लागि कम्मर कसेर लागि पर्ने बानी हुने छ । तर मनमा भने निकै उदासिनता बढ्ने भएकाले संयमित रहनु होला । निर्णय क्षमता पनि कमि देखिने छ । साझेदारीमा गरिएका कामहरुमा द्वन्दात्मक अवस्था आउने छ ।

कन्या
भाग्यको बलियो साथ रहेकाले आँटेका कामहरुमा राम्रो नतिजा देखिने छ । कमाई धमाईमा ह्वात्त बृद्धि हुने छ । तर भविष्यप्रतिको चिन्ताले सताई रहने छ । पेशागत जीवनमा भने केही समस्याहरुसँग जुध्नु पर्ने छ । साझेदारीमा गरिएका कामहरुमा पनि द्वन्दात्मक अवस्था आइ लाग्ने छ ।

तुला
पेशागत जीवनमा उन्नति प्रगतिका कदमहरु अघि बढ्ने छन् । रोमाण्टिक बानी देखिने छ । नेतृत्व क्षमतामा आउने कमिले गर्दा आफूभन्दा तलका व्यक्तिहरुले हेप्ने छन् । जीवनसाथिसँग मनमुटाब बढ्ने छ । परिवारका सदस्यहरुले साथ दिने हुँदा सँहालिन निकै मद्धत मिल्ने छ । धार्मिक–आध्यात्मिक विषयलाई उपेक्षा गर्ने बानी देखिने छ ।

वृश्चिक
चिन्ताले सताउने हुँदा उत्साह र उमङ्गको कमि देखिने छ । निन्द्रामा समस्या देखिने छ । मनमा नकारात्मक विचारहरु धेरै देखिने छ । भाग्यले साथ दिएकाले परिस्थिति धेरै बिग्रिहाल्ने भने छैन् । शरीरमा धेरै थहाई लाग्ने र शरीर कमजोर बन्ने छ । स्वास्थ्य अवस्था सन्तुलित बनाउन मेहनत गर्नु पर्ने छ ।

धनु
औषधीजन्य विषयमा खर्च बढ्न जाने छ । स्वास्थ्यमा समस्या आउने छ । मनमा खिन्नताले सताउने छ भने मनोबल कमजोर बन्ने छ । दाम्पत्य जीवनमा भनाभन र बिबादको अवस्था आउने छ । साझेदारीमा गरिएका काममा साझेदारहरुबीच झैझगडा र मनमुटावको अवस्था आउने छ । धन सम्पत्तिमा नोक्सानी देखिने भएकाले संयमित रहनु होला ।

मकर
दाम्पत्य जीवनमा प्रमिल वातावरण बन्ने छ । मनमा अदम्य साहस देखा पर्ने छ । परिवारका सदस्यहरुबीच सहयोगी स्वाभाव हुने हुँदा परिवारमा एकता देखा पर्ने छ । मनमा शान्तिको अनुभुति हुने हुँदा उत्साहको अवस्था आउने छ । समाजले गौरव गर्ने छ । प्रतिष्पर्धात्मक क्षमतामा पनि बृद्धि हुने छ । आर्थिक क्षेत्र भने मध्यम प्रकृतिमा सीमित हुने छ ।

कुम्भ
सम्भावनाका ढोकाहरु देखिने छ । मनमा आँटमा बृद्धि हुने छ । अरुको विश्वास जित्न सकिने देखिन्छ । बाणि प्रभावकारी बन्ने छ । यात्रामा सफलता प्राप्त हुने छ । बौद्धिक खालको व्यक्तित्व बन्ने छ । मनमा भने अनावश्यक चिन्ताले सताउने छ । आम्दानीमा बृद्धि हुने संकेतहरु प्राप्त हुने छन् । धार्मिक आध्यात्मिक स्वाभाव बन्ने छ ।

मीन
स्वास्थ्य समस्या देखिने छ । मेहनत गर्दा गर्दै पनि प्रतिफल कम हुन जाँदा मनमा निराशा छाउने छ । आर्थिक अवस्था भने धानिने छ । मुद्धा मामिलाजन्य विषयमा सतर्क रहनु होला । झैझगडा भन्दा शान्तिपूर्ण रुपमा काम लिन धैर्य बन्नु होला । यात्रामा कठिनाई झेल्नु पर्ने छ । घर घडेरी बेच्नु पर्ने बाध्यता आउने छ ।

(गुरु पन्त– ज्योतिषी, वास्तुविद्, रत्नविद् एवं हस्तरेखाविद् हुन् सम्पर्क– ९८१३६३७२३८)