काठमाडौँ । ललिता निवास जग्गा प्रकरणमा नेपाल प्रहरीको केन्द्रीय अनुसन्धान व्यूरो (सीआईबी)को प्रतिवेदन फिर्ता गएको छ । सिआईबीको कीर्तेसम्बन्धी अनुसन्धान प्रतिवेदन जिल्ला सरकारी वकिल कार्यालय काठमाडौँले फिर्ता पठाइदिएको हो ।

सीआईबीको टोलीले सरकारी जग्गा कीर्ते गरी व्यक्तिको नाममा लगेको भन्दै उच्च पदका व्यक्तिसहित करिब तीन सय जनालाई दोषी ठहर गरिएको थियो । सोहीअनुरुप ती व्यक्तिहरूमाथि मुद्दा दायर गर्न सरकारी वकिल कार्यालयमा रायसहितको प्रतिवेदन बुझाएको थियो । तर, कार्यालयले अनुसन्धान अपुग भएको भन्दै प्रतिवेदन सीआईबीलाई नै फिर्ता पठाइदिएको हो । कार्यालयका अनुसार थप अनुसन्धान गर्नु पर्ने भएकाले प्रतिवेदन फिर्ता पठाइएको हो ।

सीआईबीले प्रधानमन्त्रीको सरकारी निवाससमेत रहेको ललिता निवास कागजात कीर्ते गरी व्यक्तिको नाममा लगेको भन्दै मुख्य अभियुक्तमध्येका रामकुमार सुवेदी र उनकी पत्नी माधवीलाई पुस ७ गते पक्राउ गरिसकेको छ ।

यो पनि पढ्नुहोस्

खातीका कारण ललिता निवास प्रकरण त्यत्तिकै ढिसमिस हुने सम्भावना