कास्की । पोखरा रंगशालामा मनाङ मर्स्याङ्दी क्लबले च्यासल युथ क्लबविरुद्ध पाएको ५ – ० को जितनै जारी सहिद स्मारक ए डिभिजन लिग – २०७८ को ठुलो अन्तर जित रह्यो । सोही खेलमा मनाङका विदेशी खेलाडी आफिज ओलावालेले ह्याट्रिक गरे ।

योसँगै आफिज जारी लिगमा ह्याट्रिक गर्ने दोस्रो खेलाडी भने । नाइजेरियाका यी खेलाडीले जारी लिगमा पाँच गोल गरे । मछिन्द्रका सुनिल बलले समेत पाँच गोल गरेका छन् ।

अब, लिगमा गोल्डेन बुटको दौडमा यी नै दुई खेलाडी रहे । दुई खेलाडीलाई पछ्याउने क्रममा अर्का ह्याट्रिककर्ता संकटाका अजयी मार्टिन्स, एपीएफ फुटबल क्लबका आशिष लामा रहे ।

जारी लिगमा आठ मध्ये सात खेलमा पूरा समय खेलेका आफिजले च्यासलविरुद्ध ह्याट्रिक गर्दा हिमालयन शेर्पा क्लब र फ्रेन्ड्सविरुद्ध एक एक गोल गरे । संकटा र नेपाल पुलिस क्लबविरुद्ध दुई पहेँलो कार्ड पाएपछि मछिन्द्र फुटबल क्लबविरुद्ध भने आफिज निलम्बनमा परे ।

संकटाका डिफेण्डर निरज बस्नेतसहित १० खेलाडीले तीन गोल गरेका छन् । दुई गोल गर्नेमा १० खेलाडी छन् । यस्तै एक गोल गर्ने खेलाडी ३५ जना रहँदा आत्माघाती गोल गर्ने खेलाडी चार छन् ।

आठौं चरणको खेल सकिँदा ६३ खेलाडीले १०७ गोल गरे । जहाँ ५६ खेल भए । सिंगल राउण्ड रोबिनको लिगमा ९१ खेल हुनेछन् । जहाँ दुई टोली रेलिगेशन हुनेछन् भने एक टोली विजेता हुनेछ । यसपटक समयमै लिग नहुँदा सातौँ चरणमा शीर्षस्थानमा रहँदा मछिन्द्र फुटबल क्लबले नेपालको प्रतिनिधित्व गर्दै एएफसी कप(२०२२ छनोटमा स्थान बनायो ।

आठौँ चरणमा सातमध्ये तीन खेल नतिजाविहीन रह्यो । विभागीय एपीएफ फुटबल क्लब र जावलाखेलले गोलरहित बराबरी खेले भने नेपाल पुलिस र ब्रिगेड ब्वाइज क्लब ९बीबीसी० तथा संकटा र सातदोबाटोले १(१ गोलको बराबरी खेले । सातौँ चरणमा कुल १३ गोल भए ।

फ्रेन्ड्सविरुद्ध पाएको आत्माघाती गोलसँगै मछिन्द्र क्लब शीर्ष स्थानमा २० अंकसहित छ ।

च्यासलविरुद्ध पाँच गोल गरेको मनाङ गोल अन्तर बढाउँदा १९ अंकसहित दोस्रो स्थानमा छ । समान १४ अंकका संकटा र आर्मी तेस्रो र चौथो स्थानमा छ ।

१३ अंकको थ्री स्टार पाँचौ‌ं स्थानमा छ भने ११ अंकको हिमालयन शेर्पा क्लब छैटौँ स्थानमा छ । १० अंकको एनआरटी साँतौ स्थानमा रहँदा सातदोबाटो आठौं, जावलाखेल नवौं, एपीएफ १० औं र एपीएफ ११ औं स्थानमा रहँदा ब्रिगेड १२ औं स्थानमा छ ।

पाँच अंकको च्यासल युथ र तीन अंकको फ्रेन्ड्स १४ औं स्थानमा छ ।

नवौं चरणको खेल आगामी शुक्रबारबाट सुरु हुनेछ ।

सातौँ चरणको नतिजाः

संकटा क्लब १(१ सातदोबाटो युथ क्लब

एपीएफ फुटबल क्लब ०-० जावलाखेल युथ

मछिन्द्र फुटबल क्लब १-० फ्रेन्ड्स

मनाङ मस्र्याङ्दी क्लब ५-० च्यासल युथ क्लब

न्युरोड टिम एन आ टी ०-१ त्रिभुवन आर्मी फुटबल क्लब

थ्रीस्टार क्लब २-० हिमालयन शेर्पा क्लब

नेपाल पुलिस क्लब १-१ ब्रिगेड ब्वाईज क्लब