काठमाडौँ । नेपालको प्रिमियम रम ब्राण्ड ‘खुकुरी’ले नयाँ प्रडक्ट ‘खुकुरी स्पाइस्ड रम’ बजारमा ल्याएको छ । ६ दशकदेखि खुकुरीले ‘खुकुरी एक्सएक्सएक्स (ट्रिपल एक्स) रम’ नेपाल र अन्तर्राष्ट्रिय बजारमा बिक्री गर्दै आएको छ ।

रमका पारखीहरुले ‘खुकुरी रम’मा विभिन्न मसलाजन्य पदार्थको मिश्रण गरी त्यसलाई स्पाइस्ड बनाएर पिउने गरेका छन् । ग्राहकको सोही चाहनालाई ध्यानमा राखेर खुकुरीले उत्कृष्ट समीश्रणबाट तयार ‘खुकुरी स्पाइस्ड रम’ बजारमा ल्याएको हो ।

जापान र कोरियामा ‘खुकुरी स्पाइस्ड रम’ रुचाइएको गुणस्तरीय उत्पादन नेपाली बजारमा ल्याइएको हो । उत्कृष्ट पदार्थको प्रयोग, उत्पादनको प्रक्रिया लामो र केही फरक हुने भएकाले ‘खुकुरी स्पाइस्ड रम’को बजार मूल्य केही बढी हुने उत्पादक कम्पनीका महाप्रबन्धक सुभास लामिछानेले जानकारी दिए ।

चालु आर्थिक वर्षमा बढीमा ७ हजार केससम्म मात्र ‘स्पाइस्ड रम’ बजारमा पठाउन सकिने लामिछानेले बताए । ‘आफ्ना ग्राहकहरुको अपेक्षाअनुसार यो नयाँ प्रडक्ट ल्याउन सफल हुँदा हामीलाई खुशी लागेको छ,’ उनले भने, ‘साथै आगामी दिनमा ग्राहकका लागि सदैव उच्च गुणस्तरको रम उत्पादन गर्न हामी प्रतिबद्ध छौँ ।’