गौर । भौतिक पूर्वाधार तथा यातायातमन्त्री रेणु यादवले हिंसा भड्काउने अभिव्यक्ति दिएकी छन् ।

बलिदानी दिवस मनाउन गौर पुगेकी जनता समाजवादी पार्टीकी नेता एवम् मन्त्री यादवलाई उक्त कार्यक्रममा जनमत पार्टीका अध्यक्ष सीके राउतका कार्यकर्ताले अवरोध गर्न खोजेका थिए ।

अवरोध छिचोल्दै कार्यक्रममा पुगेकी उनले राइस मिल घटना दोहोरिन सक्ने चेतावनी दिएकी हुन् । उनले आफूहरुसँग टकराए मारिने सक्ने धम्की दिइन् । उनले यदि तागत छ भने सिंहदरबार घेराउ गरेर देखाउन समेत राउतलाई चुनौती दिइन् ।

उनले भाषणमा पटकपटक राइस मिल घटना नबिर्सन आग्रह गरिन् । उनले भनिन्, ‘राइस मिल अहिले पनि जीवित छ, गौरमा फणा देखाउने प्रयास नगर’ लाठी भाँच्न यहाँका मानिसले जानेका छन् ।’