काठमाडौँ । भारतमा पछिल्लो २४ घण्टामा देशभर एक लाख ७२ हजार ४३३ जनामा कोरोना भाइरस (कोभिड–१९) संक्रमण भएको केन्द्रीय स्वास्थ्य मन्त्रालयले दिएको पछिल्लो तथ्यांकले जनाएको छ । यसै अवधिमा कोरोनाबाट एक हजार ८ जनाको मृत्यु भएको छ ।

यससँगै भारतमा कोरोना भाइरस संक्रमणका कारण मृत्यु हुनेको संख्या ४ लाख ९८ हजार ९८३ पुगेको छ ।

हाल देशमा १५ लाख ३३ हजार ९२१ जना कोरोना भाइरसका सक्रिय संक्रमित रहेको मन्त्रालय जनाएको छ । यस अवधिमा ८७ हाजार ६८२ जना सक्रिय संक्रमित घटेका समाचारमा जनाइएको छ ।

भारतमा हालसम्म कूल तीन करोड ९७ लाख ७० हजार ४१४ जना निको भएर अस्पतालबाट डिस्चार्ज भइसकेका छन् । गत २४ घण्टामा २ लाख ५९ हजार १०७ जना निको भएका छन् ।