काठमाडौ । नेपालमा शनिबार थप १ हजार ७ सय १४ कोरोना संक्रमण पुष्टी भएको छ ।

देशभरका विभिन्न प्रयोगशालामा गरिएको ५ हजार २२५ जनाको पीसीआर परीक्षणमा ११०३ र ३ हजार २८८ जनाको एन्टिजेन विधिबाट गरिएको परीक्षणमा ६११ जनामा गरी पछिल्लो २४ घण्टामा १हजार ७१४ जनामा कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार पछिल्लो २४ घण्टामा ९ जना कोरोना संक्रमितको मृत्यु भएको छ । सोही अवधिमा मुलुकका विभिन्न अस्पतालबाट ४ हजार ७ सय ७१ जना कोरोना संक्रमणमुक्त भएका छन् ।
नेपालमा अहिले कोरोना संक्रमणमुक्त हुनेको दर ९३ दशमलव ३ रहेको मन्त्रालयले जनाएको छ ।