काठमाडौँ । नेपाल मेडिकल काउन्सिलले शुक्रबार र शनिबार सञ्चालन गरेको विशेषज्ञ लाइसेन्स परीक्षामा ७६.७६ प्रतिशत चिकित्सक पास भएका छन् ।

काउन्सिलका रजिष्ट्रार डा. कृष्णप्रसाद अधिकारीका अनुसार परीक्षाका लागि फारम भर्ने ७३४ भए पनि ७२३ जना सहभागी थिए । त्यसमध्ये ५५५ जना पास भएका हुन् । परीक्षामा ११ जना अनुपस्थित थिए ।

उक्त परीक्षामा बंगलादेशबाट अध्ययन पूरा गरेका अधिकांश चिकित्सकहरु सहभागी रहेका थिए । परीक्षा पुल्चोकस्थित इन्जिनियरिङ अध्ययन संस्थानमा भएको थियो ।