काठमाडौं । सरकारले प्रतिनिधिसभा बैठकमा एमसीसी टेबल गरेपछि प्रमुख प्रतिपक्ष दल नेकपा एमाले आन्तरिक छलफलमा जुटेको छ ।

एमालेको संसद अवरोधकैबीच आइतबार सरकारले विवादित एमसीसी प्रस्ताव प्रतिनिधिसभा बैठकमा पेश गरेको हो ।

एमालेले नवौं अधिवेशनदेखि नै आफूले कारबाही गरेका १४ सांसदलाई निलम्बन गर्नुपर्ने माग गर्दै संसद अवरुद्ध गर्दै आएको छ ।

प्रमुख प्रतिपक्षी दल एमालेको विरोधबीच राष्ट्रिय महत्वको प्रस्ताव संसदमा टेबल गरिएपछि पार्टी अध्यक्ष केपी शर्मा ओली पार्टीका शीर्ष नेतासँग आन्तरिक छलफलमा जुटेका छन् ।

अध्यक्ष ओलीसँगको छलफलमा नेताहरु ईश्वर पोखरेल, सुवास नेम्वाङ, विष्णु पौडेल लगायतका नेताहरु सहभागी छन् ।