काठमाडौं । नेपालमा मंगलबार थप ४७६ जनामा कोरोना भाइरस सङ्क्रमण पुष्टि भएको छ ।

देशभरका विभिन्न प्रयोगशालामा ९ हजार ४२४ जनाको कोरोना परीक्षण गर्दा थप ४७६ जनामा कोरोना भाइरस सङ्क्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयकाअनुसार, पीसीआर विधिबाट २९९ तथा एन्टिजेन विधिबाट १७७ जनामा सङ्क्रमण पुष्टि भएको हो ।

पछिल्लो २४ घण्टाको अवधिमा थप ३ जना कोरोना संक्रमितको मृत्यु भएको छ । नेपालमा हालसम्म ११ हजार ९२८ जनाको मृत्यु भएको छ ।

सोही अवधिमा थप ८३१ जना कोरोना सङ्क्रमण मुक्त भएका छन् । नेपालमा कूल सङ्क्रमितमध्ये ९ लाख ५३ हजार ४३० जना सङ्क्रमणमुक्त भइसकेका छन् ।

नेपालमा हाल १० हजार ७४७ जना सक्रिय सङ्क्रमित रहेका छन् ।