काठमाडौं । नेकपा एकीकृत समाजवादी ( एस)का नेता झलनाथ खनालले अहिले जुन एमसीसीको विषयमा जति दस्तावेज सदनमा पेस गर्न माग गरेका छन् ।

आईतबार बसेको प्रतिनिधि सभाको बैठकमा रोष्टरमा बोल्दै उनले भने,‘ अहिले पनि मानिसहरुले हल्ला गरिरहेका छन् । यो मेरो पालामा आएको हो तर मेरो पालामा केही भएको थिएन् र कुनै सहमति नगरेको गरेको छैन ।’
अरुले सर्त राखेर दिएको रकम आफुलाई नचाहिने उनले बताए ।

एमसीसी सम्झौता सर्तैसर्तको सम्झौता भन्दै उनले राष्ट्रलाई घात गर्ने अनुदान सम्झौताको एक पैसा पनि लिन नहुने बताए । उनले नेपालमा धेरै स्राेत रहेकाे भन्दै आफैंले यस्ता आयाेजना पूरा गर्नुपर्ने बताए ।

प्रमुख प्रतिपक्ष दल नेकपा (एमाले) भने छलफलमा सहभागी भएन । एमालेले संसद् अवरोध जारी राखेको छ ।

उनले अहिले देशभत्त नेपाली जनता एमसीसीविरुद्ध सडकमा उत्रेको बताए । देशको स्वधिनता र सार्वभौमसत्ताका विषयमा बोलिरहेका जनतामाथि प्रशासनले लाठी बर्षाएको उनले जनाए । 

‘देशलाई बचाउ भनेर आवाज उठाउने देशभक्त माथि जुन दमन भएको छ , म त्यसको निन्दा गर्दछु,’ उनले भने