काठमाडौं । नेकपा एमालेका नेता भीम रावलले प्रतिनिधिसभामा पेश गरिएको एमसीसीको १२ बुँदे ब्याख्यात्मक घोषणा ठग पत्र भएको टिप्पणी गरेका छन् ।
प्रतिनिधिसभाको आजको दोस्रो बैठकमा एमसीसीको ब्याख्यात्मक घोषणाबारेको छलफलमा भाग लिँदै रावलले ब्याख्यात्मक घोषणा नभई भ्रमात्मक घोषणा भएको बताए ।
सम्झौताको एक पक्षले गर्ने घोषणाको कुनै महत्व नभएको भन्दै जबर्जस्ती गरिने अनुमोदन स्वीकार्य नहुने रावलले बताए । एमाले नेता रावलले संसदको पोडियममा नै गएर धारणा राखेका थिए । रावलले धारणा राखिरहँदा पनि एमालेले सांसदहरुले नाराबाजी गरिरहेका थिए ।