काठमाडौं । अमेरिकी सहयोग परियोजना एमसीसी संसदबाट अनुमोदन गरिएपछि माओवादी केन्द्रका कार्यकर्ताहरुले धमाधम पार्टी छाड्न थालेका छन् ।

माओवादी केन्द्रका कार्यकर्ताहरुले समाजिक सञ्जालबाटै पार्टी छाडेको घोषणा गरिरहेका छन् भने विभिन्न जिल्लामा पार्टी छाड्दै अन्य पार्टीमा प्रवेश गर्न थालेका छन् ।

सुदूरपश्चिम प्रदेशबाट सोमवार केही कार्यकर्ता राप्रपा प्रवेश गरेका थिए भने आज काभ्रेको रोशी गाउँपालिकामा माओवादीका जनप्रतिनिधिसहित दर्जन बढीले माओवादी केन्द्र छाडेर विप्लव नेकपा प्रवेश गरेका छन् ।

एमसीसी पास गरेर माओवादी केन्द्रका अध्यक्ष प्रचण्डले राष्ट्रघात गरेको भन्दै रोशी गाउँपालिकाका जनप्रतिनिधि सन्च लामासहित १६ जना विप्लव नेकपा प्रवेश गरेका छन् ।

विप्लव नेकपाका केन्द्रीय सदस्य तथा काभ्रे जिल्ला इञ्चार्ज मोहलाल चन्दले नवप्रवेशीहरुलाई टीका लगाइदिएर स्वागत गरेका थिए ।