काठमाडौं । जनता समाजवादी पार्टी, नेपालका संघीय परिषद् अध्यक्ष डा. बाबुराम भट्टराईले संसद अवरोध गरेर भत्ता लिनु लज्जास्पद भएको बताएका छन् ।

बुधबार प्रतिनिधिसभाको बैठकपछि सञ्चारकर्मीहरुसँग कुरा गर्दै भट्टराईले ६ महिनादेखि बैठक अवरुद्ध गरेर भत्ता बुझ्ने काम भइरहेको बताए ।

उनले जनताको समस्या संसदमा नराखि ज्याला लिनु लज्जास्पद भएको बताए ।

सरकारले संसद अवरोधको निकास खोज्न नसक्नु गैरजिम्मेवारीपन भएको पनि भट्टराईले आरोप लगाए ।