काठमाडौं । नेपालमा कोरोना संक्रमितको संख्या घट्दै गएको छ । संक्रमित हुने क्रम घट्दै जाँदा शनिवार थप ९१ जनामा संक्रमण पुष्टी भएको छ ।

पछिल्लो २४ घण्टामा ६ हजार २२० जनाको कोरोना परीक्षण गर्दा पीसीआर विधिबाट ६७ तथा एन्टिजेन विधिबाट २४ जनामा सङ्क्रमण पुष्टि भएको स्वास्थ्य तथा जनसंख्या मन्त्रालयले जनाएको छ । मन्त्रालयको आजको अध्यावधिक विवरणमा कोरोना संक्रमणबाट मृत्यु सून्य रहेको छ ।

२४ घण्टाको अवधिमा ३६२ जना कोरोना संक्रमणमुक्त भएका छन् । नेपालमा हालसम्म कूल सङ्क्रमितमध्ये ९ लाख ५८ हजार ५५५ जना सङ्क्रमणमुक्त भइसकेका छन् ।

हाल देशभर ६ हजार ९४७ जना कोरोनाका सक्रिय सङ्क्रमित रहेको जनाइएको छ ।