काठमाडौं । नेपालमा मंगलबार थप १ सय ९४ जनामा कोरोनाभाइरसको सङ्क्रमण पुष्टि भएको छ ।

देशभरका विभिन्न प्रयोगशालामा ६ हजार ३९४ जनाको कोरोना परीक्षण गर्दा १ सय ९४ जनामा संक्रमण पुष्टी भएको हो ।

पीसीआर विधिबाट परीक्षण गरिएका ७४ तथा एन्टिजेन विधिबाट १२० जनामा सङ्क्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयकाअनुसार, सोही अवधिमा थप एक जना कोरोना संक्रमितो मृत्यु भएको छ ।

पछिल्लो २४ घण्टाको अवधिमा ३४८ जना भने कोरोना सङ्क्रमणमुक्त भएका छन् । योसहित अहिलेसम्म ९ लाख ५९ हजार ८१७ जना संक्रमणमुक्त भएका छन् ।

हाल नेपालमा ५ हजार ८७५ जना कोरोनाका सक्रिय सङ्क्रमित छन् ।

यसैबीच, पछिल्लो २४ घण्टामा २ लाख ३ हजार ६२५ जनाले खोप लगाएको मन्त्रालयले जनाएको छ ।