काठमाडौं । सशस्त्र प्रहरी बलमा पाँच जना एसएसपीहरु डीआईजी पदमा बढुवा सिफारिस गरिएको छ । बढुवा समितिको २७ फागुनको निर्णयअनुसार दुई जना प्राविधिक तर्फका सहित ५ जनालाई बढुवा सिफारिस गरिएको हो ।

सशस्त्रको साधारण समूह, साधारण उपसमूहतर्फ रिक्त रहेको डीआईजी पदमा एसएसपीहरु विदुर खड्का, लक्ष्मण बहादुर सिंह र प्रदीपकुमार पाल सिफारिस भएका छन् ।

यस्तै, सशस्त्रको प्राविधिक समूह स्वास्थ्यतर्फ रिक्त रहेको प्राविधिक डीआईजीमा एसएसपी डा.रुपक महर्जनलाई बढुवाका लागि सिफारिस गरिएको छ ।

प्राविधिक समूह, सञ्चार तथा इन्जिनियरिङतर्फ रिक्त रहेको प्राविधिक डीआईजी पदमा एसएसपी ई.सन्दीप थापा सिफारिस भएका छन् ।