काठमाडौँ । प्रहरीले मोरङको सुन्दरहरैचा ७ की २१ महिने बालिकालाई बलात्कार गरेको आशंकामा दुई जनालाई पक्राउ गरेको छ । अर्धचेत अवस्थामा भेटिएकी बालिकाको मृत्यु भइसकेको प्रहरीले जनाएको छ ।

शुक्रबार साँझ घरबाट हराएकी बालिका घर नजिकै अर्धचेत अवस्थामा भेटिएकी थिइन् । उनको उपचारका क्रममा शनिबार बिहान मृत्यु भएको हो ।

पक्राउ परेका दुई युवकलाई पत्रकार सम्मेलन गरी आज सार्वजनिक गर्ने तयारी भएको छ । बालिकाको यौनांगमा रक्ताम्य भएकाले बलात्कार भएको आशंका गरिएको हो ।