काठमाडौँ । नेकपा माअ‍ोवादी केन्द्रका अध्यक्ष पुष्पकमल दाहाल ‘प्रचण्ड’ले आफूले अमेरिकी सहयोग परियोजना एमसीसी रोक्न अनेक प्रयास गरेको बताएका छन् । काठमाडौँको प्रज्ञा भवनमा आयोजना पार्टी प्रशिक्षण कार्यक्रममा बोल्दै उनले आफूले एमसीसी अनुमोदन रोक्न नसकेको बताए ।

अध्यक्ष प्रचण्डले केपी शर्मा ओलीलाई प्रधानमन्त्री दिएर भए पनि एमसीसी रोक्न खोजेको खुलासा गरेका छन् । एमसीसीको सकसबारे कार्यकर्तालाई बुझाउँदै उनले एमसीसी अनुमोदन हुन नदिने सबै प्रयास असफल भएपछि गठबन्धन जोगाउन व्याख्यात्मक टिप्पणीको बाटो लिएको बताए ।

प्रचण्डले केपी ओलीलाई प्रधानमन्त्री दिएर भए पनि एमसीसी रोक्ने प्रयास गरेको तर, पूरै अपमान गरेपछि सर्प पनि मर्ने, लाठी पनि नभाँचिने बाटोमा पुगेको बताएका थिए ।

ओलीसँग कुरा गर्न जाँदा सभामुखले राजीनामा दिनुपर्ने, नेकपा एसका १४ सांसदको पदमुक्तिको सूचना टाँस्नुपर्ने र नेकपा कालमा ओलीमाथि लगाएको १९ बुँदे अभियोगपत्र फिर्ता लिनुपर्ने शर्त राखेपछि फर्केको उनले बताए ।