हेटौडा । यात्रुबाहक बस मकवानपुरमा दुर्घटना हुँदा नुवाकोटका दुई जनाको मृत्यु भएको छ। शुक्रवार विहान बस दुर्घटना भएको हो । दुर्घटनामा परी अन्य ९ जना घाइते भएका छन् ।

जिल्ला प्रहरी कार्यालय मकवानपुरका अनुसार, दुर्घटनामा परी मृत्यु हुनेमा नुवाकोट तारकेश्वर गाँउपालिका ४ का २२ वर्षीय सुवास श्रेष्ठ र सोही ठाउँका २९ वर्षीय शम्भु दराई मगर रहेका छन्।

हेटौंडाबाट चितवन जाँदै गरेको बा ४ख ४४५४ नम्बरको यात्रुबाहक बस बिहान पौने ९ बजे मनहरी नगरपालिका ६ मा दुर्घटना भएको मकवानपुरका प्रहरी नायब उपरीक्षक जयश्वर रिमालले जानकारी दिए ।

घाइतेहरूलाई उपचारका लाथि चितवनस्थित अस्पतालमा पठाइएको छ ।