काठमाडौँ । प्रतिनिधिसभा सदस्य एवम् जनता समाजवादी पार्टी (जसपा)का प्रमुख सचेतक प्रमोद साहलाई आक्रमण गरेको अभियोगमा दुई जना पक्राउ परेका छन् ।

शनिबार बिहान सडक विस्तारको क्रममा परेको फूलजोर युवा क्लबको घर राख्ने कि सार्ने विषयमा विवाद हुँदा दुई समूहबीच झडप भएको थियो । सोही क्रममा सांसद साहमाथि आक्रमण भएको थियो । उनलाई आक्रमण गरेको अभियोगमा ईश्वरपुर नगरपालिका ६ बयलबासका दुई जनालाई पक्राउ गरेको हो ।

सर्लाही प्रहरीले पक्राउ परेकाहरूको नाम गोप्य राखेको छ । ढुंगाले लागेर साहको टाउकोमा गहिरो घाउ लागेको छ । उनलाई थप उपचारका लागि शनिबार दिउँसो हेलिकप्टरबाट काठमाडौं ल्याइएको थियो । उनको मेडिसिटी अस्पतालमा उपचार भइरहेको छ ।