काठमाडौँ । अमेरिकी राष्ट्रपतिको कार्यालयका प्रवक्ता करिन जेन पिएर्रे कोरोना भाइरसबाट संक्रमित भएका छन् । उनलाई कोरोनाको संक्रमण पुष्टि भएको सरकारी अधिकारीहरूले जानकारी दिएका छन् ।

उनले आफूलाई संक्रमण भएको पुष्टि भए पनि स्वास्थ्यमा कुनै समस्या नभएको स्पष्ट पारेका छन् । ‘मैले अतिरिक्त खोप पनि लगाएकाले होला, मलाई स्वास्थ्यमा कुनै समस्या छैन, सामान्य लक्षण मात्रै देखिएको छ,’ सामाजिक सञ्जालमा उनले लेखेका छन् ।

राष्ट्रपति कार्यालयको यससम्बन्धी नियमअनुसार आफूले कम्तीमा पाँच दिन घरमै आइसोलेसनमा बसेर काम गर्ने उनले स्पष्ट पारेका छन् । ४४ वर्षीया पिएर्रे यसअघि केही महिनाअगाडि पनि कोरोनाबाट संक्रमित भएका थिए ।