काठमाडौँ । उच्च अदालत पोखराले जबर्जस्ती करणीका कारण पुर्पक्षका लागि थुनामा पठाएको अभिनेता पल शाह (पूर्णविक्रम शाह)लाई थुनामा पठाउने आदेश गर्दा प्रमाण लिएका कागजात माग गरेको छ ।

अभिनेता शाहले दिएको निवेदनउपर सुनुवाई गर्दै उच्च अदालतका न्यायाधीश रमेशप्रसाद राजभण्डारीको इजलासले जिल्ला अदालत तनहुँले पुर्पक्षका लागि थुनामा पठाउने आदेश गर्दा प्रमाणमा लिएका कागजातको प्रमाणित प्रतिलिपी माग गरेको हो ।

उच्च अदालतका सूचना अधिकारी विष्णुप्रसाद आचार्यका अनुसार राजभण्डारीको इजलासले जिल्ला अदालत तनहुँले पुर्पक्षका लागि थुनामा पठाउने आदेश गर्दा प्रमाणमा लिएका कागजातको प्रमाणित प्रतिलिपी माग गरेको हो ।

नाबालिक गायिकालाई बलात्कार गरेको अभियोगमा जिल्ला अदालत तनहुँले अभिनेता शाहलाई १० चैतमा पुर्पक्षका लागि थुनामा पठाउने आदेश दिएको थियो । सो आदेशविरुद्ध शाहले मंगलबार दिएको निवेदनको बुधबार प्रारम्भिक सुनुवाई भएको हो ।