काठमाडौँ । नेपाल बैंक लिमिटेडले मिति काठमाडौँको सिफलस्थित ब्रिलियन्ट क्याम्पसमा डिजिटल बैकिङ् वित्तीय साक्षरता कार्यक्रम सम्पन्न गरेको छ । बैंकले चाबहिल शाखा र ब्रिलियन्ट कलेजको सहकार्यमा विद्यार्थीलाई डिजिटल बैकिङ्सम्बन्धि जानकारी गराई डिजिटल बैकिङ्का प्रविधिमा अभ्यस्त गराउने उद्देश्यले लिएको जनाएको छ ।

क्याम्पसका प्रिन्सिपल दुर्गा प्रसाद नेपाल प्रमुख अतिथि रहेका कार्यक्रममा नेपाल बैंकका मार्केटिङ्ग तथा रिसर्च डिभिजन प्रमुख अर्जुन बहादुर कँडेल, नेपाल बैंक चाबहिल शाखाका शाखा प्रबन्धक द्वारिका घोरासैनीलगायत कर्मचारीको उपस्थिति रहेको थियो ।

स्नातक तह व्यवस्थापन संकायमा अध्ययनरत विद्यार्थी सहभागी भएको उक्त कार्यक्रममा डिजिटल वित्तीय साक्षरतासम्बन्धि जानकारी, नेपाल बंैकले लागु गरेका विभिन्न सेवा सुविधा, डिजिटल बंैकिङ प्रविधि, विद्यार्थी लक्षित शुभज्ञान बचत खाता साथै बंैकिङ्का विविध आयामहरूको बारेमा जानकारी गराइएको थियो ।

कार्यक्रममा प्रमुख अतिथि तथा क्याम्पस प्रमुख नेपालले ब्रिलियन्ट क्याम्पसका विद्यार्थीलाई लक्षित गरी डिजिटल बैकिङ् वित्तीय साक्षरता कार्यक्रम आयोजना गरेकोमा नेपाल बैंकलाइ धन्यवाद दिए ।