काठमाडौँ । चीनको सांघाईमा कोरोना भाइरस (कोभिड–१९)का कारण थप १२ जनाको मृत्यु भएको छ । कोभिड संक्रमणको चपेटामा परेको सांघाईमा पछिल्लो साता दिनहुँ जसो संक्रमणले मृत्यु हुँदै आएको छ ।

यसअघि ११ जना संक्रमितको मृत्यु भएको विवरण सार्वजनिक भएको थियो । शुक्रबार सांघाईमा २० हजार ६३४ जना नयाँ संक्रमित भेटिएका थिए ।

पछिल्लोपटक कोभिडबाट मृत्यु भएका व्यक्तिहरू वृद्धवृद्धा रहेको चीन सरकारले जनाएको छ । उनीहरूमा स्वास्थ्यसम्बन्धी दीर्ध कालीन समस्या रहेको जनाइएको छ ।

त्यस्तै, उनीहरू कसैले कोभिड खोप नलगाएको सरकारले दाबी गरेको छ ।