काठमाडौं । नेकपा (एमाले)का अध्यक्ष तथा पुर्वप्रधानमन्त्री केपी शर्मा ओलीको गृहनगर अर्थात झापाको दमक नगरपालिकाको मेयरमा सत्तागठबन्धनबाट राप्रपाका उम्मेदवार राम थापा अगाडि छन्।

मतगणना सुरू गरेदेखि पहिलोपटक थापाले एमाले उम्मेदवारलाई उछिनेका छन्। थापाले १९६८ मत ल्याए भने एमालेकी उम्मेदवार गीता अधिकारीले १९४० मत ल्याएकी छन्।

उपमेयरमा कांग्रेसकी रेगिना भट्टराईले १९३१ र एमालेका अम्बिकाप्रसाद खनालले १७५६ मत ल्याएका छन्। अहिलेसम्म दमकको ४५४१ मत गणना भएको छ। नगरमा ३९ हजार ९४९ मत खसेको छ।