काठमाडौँ । नेपाली सेयर बजार नेप्से परिसूचक शुक्रबार २१ सयभन्दा मुनी झरेको छ । नेप्सेमा शुक्रबार ३३.७६ अंकले ओरालो लागेसँगै नेप्से परिसूचक दुई हजार ७१ दशमलव ९४ अंकमा पुगेको हो ।

नेप्सेमा बिहीबार १८.२६ अंक र बुधबार ७.१९ अंकले ओरालो लागेको थियो । बिहान नेप्सेमा खुल्दा २१ सय १२ अंकबाट सुरु भएको बजार अन्तिममा नेप्से परिसूचक २० सय ७१ अंकमा पुगेर बन्द भएको छ । बजारमा सेन्सेटिभ इन्डेक्स ७.१८ अंकले घटेर ४०३ दशमलव ४८ अंकमा पुगेको छ ।

नेप्सेमा ३८ लाख ४८ हजार ५०८ कित्ताको सेयर खरिद बिक्री हुँदा एक अर्ब ३० करोड ७३ लाख ५९ हजार रुपैयाँ बराबरको कारोबार भएको छ । नेप्सेमा शुक्रबार २२६ कम्पनी सेयर कारोबार हुँदा १९७ कम्पनीका लगानीकर्ता गुमाएका छन् । यस्तै, २० कम्पनीका सेयर धनीले नाफा कमाए ।

त्यस्तै, ९ कम्पनीको सेयर मूल्य बिहीबारकै मूल्यमा कारोबार भएको छ । सेयर बजारमा दुई कम्पनीको बलेफी हाइड्रो पावर कम्पनी र उपकार लघुवित्त वित्तीय संस्थाको सेयर मूल्यमा सकारात्मक सर्किट लागेको छ ।

सकारात्मक सर्किट लागेको कम्पनीमा बलेफी हाइड्रो पावर कम्पनीको सेयर १५ रुपैयाँले बढेर १६८ रुपैयाँ पुगेको छ । उपकार लघुवित्त वित्तीय संस्थाको सेयर मूल्यमा १५९ रुपैयाँ बढेर १७ सय ५७ रुपैयाँ पुगेको छ ।