काठमाडौँ । मारिओपोलमा पक्राउ परेका एक हजारभन्दा बढी युक्रेनी सेनालाई रसियामा सारिएको छ । रुसी समाचार निकाय इतार तासलेका अनुसार युक्रेनी सेनालाई रुस पठाइएको हो ।

आफ्नो नियमित रात्रिकालीन सम्बोधनमा युक्रेनका राष्ट्रपति भोलोदिमिर जेलेन्स्कीले देशले स्वतन्त्रतापछिकै ठूलो जटिलता सामना गर्न सक्ने बताएका छन् । यसैबीच, म्याक्सर टेक्नोलोजीले सार्वजनिक गरेको स्याटलाईट तस्बीरमा पूर्वी युक्रेनी सहर सेभेरोदोनेत्स्कमा ठूलो क्षति भएको देखिएको प्राप्त विवरणमा जनाइएको छ ।

पछिल्लो समय रुसी सेनाको सम्पूर्ण बल पूर्वी युक्रेनमा केन्द्रित भएको छ ।