काठमाडौँ । आइएमई ग्रुपद्वारा संचालित आइएमई डिजिटल सोलुसन लिमिटेडद्वारा प्रवर्द्धित ‘आइएमई पे’ले यही जेठ २५ गतेदेखि नयाँ क्यासब्याक अफर सार्वजनिक गरेको छ ।

‘प्रिमियम तिरौँ, क्यासब्याक पाऔँ’ नामक अफरमार्फत प्रयोगकर्ताले आइएमई पेमार्फत ज्योति लाइफ इन्स्योरन्सको प्रिमियम तोकिएको मितिदेखि ७ दिनभित्र भुक्तानी गरे एक हजारसम्मको क्यासब्याक पाउने छन् । अफर अवधिभर हरेक महिना एक भाग्यशाली विजेताले स्मार्ट घडी जित्न सक्नु हुने छ ।

आइएमई पे डिजिटल वित्तीय सेवा प्रदायकअन्तर्गतको एक उत्पादन हो । नेपाल राष्ट्र बैंकको भुक्तानी तथा फर्छ्यौट्ट विनियमावली २०७२ बमोजिम आइएमई डिजिटलले दुरसञ्चार सञ्जालको माध्यमबाट मोबाइल वालेट सेवा प्रदान गर्ने पहिलो कम्पनी हो ।