काठमाडौँ । पृथ्वी राजमार्गअन्तर्गत मुग्लिन–आँबुखैरेनी सडक खण्डमा साना गाडी मात्रै सञ्चालन हुने भएको छ । आज बिहान गएको पहिरोका कारण बन्द भएको सडकमा साना गाडी एकतर्फी मात्रै चल्ने भएको हो ।

सडक विभागले भित्तातर्फ काटेर बिहान ११ बजेदेखि साना सवारी पास हुने व्यवस्था गरेको हो । तर, ठूला सवारी आवातजावत गर्न कम्ति चार दिन लाग्ने भएको छ ।

उक्त स्थानमा गएको पहिरामा परी मृत्यु भएका दुई जनाको शव फेला परेको थियो । पहिरोमा एक कार र एक मोटरसाइकल परेको जिल्ला प्रहरी कार्यालय तनहुँले जनाएको छ ।

पहिरोमा बा १० च ४६४९ नम्बरको कार र बा ३३ प १०८१ नम्बरको मोटरसाइकल पुरिएको थियो ।