काठमाडौँ । सिटिजन्स बैंक र भरतपुरस्थित मनकामना अस्पतालबीच सिटिजन्स बैंकका कार्डबाहकहरूलाई विशेष छुट दिने सम्झता पत्रमा हस्ताक्षर भएको छ । सम्झौतापश्चात् सिटिजन्स बैंकका कार्डबाहकले मनकामना अस्पतालका विभिन्न सेवामा १५ प्रतिशतसम्म छुट पाउने छन् ।

बैंकले हालसम्म कार्ड नभएका आफ्ना ग्राहकलाई तत्कालै नयाँ कार्ड उपलब्ध गराउन सिटिजन्स इन्स्ट्यान्ट कार्डको व्यवस्थासमेत गरेको छ । त्यसैगरि आफ्ना कार्डबाहकको सुविधालाई ध्यानमा राखेर नेपालभित्रका जुनसुकै बैंकको एटिएमबाट पैसा निकाल्दा शुल्क नलाग्ने व्यवस्था बैंकले विभिन्न बचत खातामा गरेको छ ।

आफ्ना ग्राहकको वित्तीय आवश्यकता सुरक्षित तवरले प्रदान गर्ने अभिप्रायका साथ यसअघि बैंकले कियोस्क ई.के.वाई.सी. तथा नागरिक एपमार्फत अनलाइन खाता खोल्न सक्ने सुविधाको सुरुवात गरिसकेको छ ।

हाल बैंकले देशभरबाट १७४ वटा शाखा, १२५ वटा एटीएम र ९३ वटा शाखारहित बैंकिङ्ग इकाईबाट सुविधा दिँदै आएको छ ।