काठमाडौँ । अमेरिकी राष्ट्रपति जो बाइडेन साइकल चलाउँदै गर्दा लडेका छन् । शनिबार बिहान डेलावेयर राज्यमा आफ्नो समुद्र तट नजिकैको घरमा साइकल चलाउँदै गर्दा लडेका हुन् ।

ह्वाइट हाउसको टिमको तर्फबाट सार्वजनिक भएको एउटा भिडियोमा ७९ वर्षीय राष्ट्रपति लडेपछि तत्काल उठेका देख्न सकिन्छ । त्यसपछि उनले भने, ‘म राम्रो छु ।’

उनी प्रथम महिला जिल बाइडेनसँग डेलावेयरको रेहोबोथ तटमा रहेको घर नजिकैको स्टेट पार्कमा साइकल चलाइरहेका थिए । साइकलबाट लडेपछि दर्शकसँग कुरा गर्न रोकिएका थिए ।

उनलाई ठूलो चोट नलागेको र औषधिउपचार आवश्यक नभएको ह्वाइटहाउसका एक अधिकारीले बताए । ‘राष्ट्रपति आफ्नो परिवारसँग बाँकी दिन बिताउन तत्पर हुनु हुन्छ,’ ती अधिकारीले भने ।