काठमाडौँ । सरकारलाई भारी मात्रामा पेट्रोलियम पदार्थको मूल्य कटौती गर्न निर्देशन दिएको छ । शनिबार बिहान सबेको सत्ता गठबन्धन दलका शीर्ष नेताहरूको बैठकले सरकारलाई यस्तो निर्देशन दिएको हो ।

नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’का स्वकीय सचिव रमेश मल्लका अनुसार बढ्दो महंगी नियन्त्रण गर्न गठबन्धनले सरकारलाई यस्तो निर्देशन दिएको हो ।

‘प्रम निवास वालुवाटारमा सम्पन्न गठबन्धन बैठकले बढ्दो महैगी नियन्त्रण गर्न र जनताको जिविकामा सहुलियत दिन पेट्रोलियम पदार्थको मूल्यमा भारी मात्रामा कटौती गर्न सरकारलाई निर्देशन दिने निर्णय गरेको छ,’ प्रचण्डका स्वकीय सचिव मल्ले भने ।

उनका अनुसार सरकारले पेट्रोलियम पदार्थमा लगाएका कर कटौती गर्न आजैका दिनदेखि लागु गर्न निर्देशन दिएका हो । उक्त निर्णय लागु गरेमा डिजेल र पेट्रोलको मूल्यमा प्रतिलिटर झण्डै ३० देखि २५ रुपैयाँसम्म घट्ने देखिन्छ ।