काठमाडौँ । हेटौंडा उपमहानगरले दुई अर्ब ७१ करोड ७९ लाखको बजेट ल्याएको छ । आइतबार नगरसभाको बैठकमा प्रशासनिक खर्चमा ३३ करोड ५७ लाख ८९ हजार, आर्थिक विकासमा १९ करोड ६९ लाख ६६ हजार, सामाजिक विकासमा, ८३ करोड ६७ लाख १७ हजार, पूर्वाधार विकासमा एक अर्ब ८ करोड ४२ लाखको बजेट ल्याएको हो ।

यसैगरी, वन वातावरण तथा विपद व्यवस्थापनमा १२ करोड ६ लाख ८० हजार, सुशासन तथा संस्थागत विकासमा ७ करोड ३३ लाख ५० लाख बजेट विनियोजन गरिएको छ ।

उपमहानगरले खर्च व्यहोर्ने स्रोतमा आन्तरिक स्रोत ९४ करोड ३६ लाख ५३ हजार, राजस्वबाट ५८ करोड ९३ लाख ७० हजार, प्रदेश सरकारको अनुदानबाट ९ करोड ५८ लाख ९४ हजार र संघीय सरकारबाट एक अर्ब ६ करोड ९५ लाख प्राप्त हुने अपेक्षा गरेको छ ।