काठमाडौं । नेकपा माओवादी केन्द्रको केन्द्रीय समिति बैठक आज बस्दैछ । बैठक आज दिउँसो १ बजे बस्दैछ । पार्टी अध्यक्ष पुष्पकमल दाहाल प्रचण्डसहित शीर्ष नेताहरु पदाधिकारी चयनको गृहकार्यमा लागेपछि (हिजो) मंगलबारको बैठक स्थगित गरिएको थियो ।

पूर्व स्थायी कमिटी र इन्चार्जहरूको बैठकले पार्टीको पोलिट्ब्यूरो, स्थायी कमिटी र पदाधिकारीको प्रस्ताव ल्याउने जिम्मा अध्यक्ष प्रचण्डलाई दिएको छ ।

सोमबार ४३ जना केन्द्रीय सदस्यहरुले पार्टीका विषयमा विभिन्न जिज्ञासा राखेका थिए भने केन्द्रीय सदस्यहरूले राखेका जिज्ञासामाथि जवाफ दिने र संगठनको प्रस्ताव पार्टी अध्यक्ष पुष्पकमल दाहाल प्रचण्डले पेस गर्ने कार्य सूची थियो ।