काठमाडौँ । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ पदाधिकारी टुंगो लगाउन समय माग गरेका छन् । बिहीबार बसेको केन्द्रीय कमिटी बैठकमा प्रचण्डले छिट्टै पदाधिकारी टुंग्याउने भन्दै समय माग गरेका हुन् ।

प्रचण्डले आफूले दुई–चार दिनभित्रै आवश्यक होमवर्क गरेर पदाधिकारीमा टुंगो लगाउने बताएका हुन् । माओवादीको केन्द्रीय समिति बैठकमा पदाधिकारी टुंगो लगाउन नेताहरुले नेतृत्वलाई दबाब दिएका थिए ।

सोहीअनुसार प्रचण्डले दुई दिनसम्म आन्तरिक छलफल गरेका थिए । माओवादीको स्थायी कमिटी ४१ र पोलिटब्युरो १५६ सदस्यीय बनेको छ । माओवादीको केन्द्रीय समिति बैठक आइतबारदेखि सुरु भएको थियो ।