काठमाडौँ । आज संघीय संसद् प्रतिनिधिसभा बैठक बस्दै छ । दिउँसो १ बजे बस्ने बैठक बस्ने गरी बोलाइएको संसद् सचिवालयले जनाएको छ ।

आजको बैठकमा योगमाया आयुर्वेद विश्वविद्यालय विधेयकसम्बन्धी शिक्षा तथा स्वास्थ्य समितिको प्रतिवेदन र कारागार विधेयक, २०७६ छलफलका लागि पेस हुने भएको छ ।

कारागार विधेयक पारित गर्न प्रस्ताव पेश गरिने कार्य सूची रहेको छ । यस विधेयकमा खुला कारागारको अवधारणा र कैदीबन्दीलाई प्रजननको अधिकारलगायतका विषय समेटिएको छ ।