काठमाडौँ । गत वर्षको एसइई परीक्षाको परीक्षाफल नेपाल टेलिकमको विभिन्न माध्यमबाट जानकारी पाउन सकिने भएको छ । सो परीक्षाको परीक्षाफल कल गरेर आइभिआर, एसएमएस तथा वेबसाइटमार्फत प्राप्त गर्न सकिने टेलिकमले जनाएको छ ।

कल गरेर नतिजा थाहा पाउनका लागि नेपाल टेलिकमको ल्यान्डलाइन फोन, मोबाइल र सिडिएमएबाट १६०० डायल गरी प्राप्त निर्देशन पालना गरी नतिजा थाहा पाउन सकिने छ ।

एसएमएस गरेर थाहा पाउनको लागि मोबाइलको म्यासेज बक्समा अंग्रेजीमा एसइई लेखेर स्पेस छोडी अल्फाबेट सहितको सिम्बल नम्बर एसइई स्पेस˃ ˂अल्फाबेट सहितको सिम्बल नम्बर˃ टाइप गरी १६०० मा पठाएमा आवश्यक जानकारी प्राप्त हुने कम्पनीले बताएको छ।

वेबसाइटबाट नतिजा थाहा पाउनका लागि नेपाल टेलिकमको वेबसाइट मार्फत मार्कसिट सहितको नतिजा प्राप्त गर्न सकिने छ।