काठमाडौँ । पूर्व अर्थमन्त्री जनार्दन शर्माले आर्थिक वर्ष २०७९–८० को बजेट निर्माणमा अनाधिकृत व्यक्तिलाई प्रवेश गरेको विषयमा कोही प्रवेश नगरेको निष्कर्ष निक्लेको छ । संसदीय विशेष समितिले करको दर निर्धारणमा अनधिकृत व्यक्तिको प्रवेश नगरेको निष्कर्ष निकालेको हो ।

समितिका जेष्ठ सदस्य लक्ष्मणलाल कर्णले प्रतिनिधिसभाको शुक्रबार बसेको बैठकमा प्रतिवेदन पेश गरेका थिए । जसमा करको दर निर्धारणमा अनधिकृत व्यक्तिको प्रवेश गरेको नदेखिएको जनाएको छ ।

अर्थ मन्त्रालयबाट प्राप्त जवाफ, कागजात, प्राप्त भएको सीसीटीभी फुटेजको अध्ययन गरेको समितिले भनेको छ, ‘हालसम्म समितिले गरेका छानबिन र संकलन गरेका प्रमाणमा करका दर निर्धारणमा अनधिकृत व्यक्ति प्रवेश गरेको देखिएन ।’