काठमाडौँ । नेपाल समाजवादी पार्टीका अध्यक्षद्वय डा. बाबुराम भट्टराई र महेन्द्र राय यादव बालुवाटार पुगेका छन् । उनीहरू प्रधानमन्त्री शेरबहादुर देउवालाई भेट्न बालुवाटार पुगेका हुन् ।

जनता समाजवादी पार्टीबाट अलग भएका भट्टराई र यादवले नयाँ पार्टी गठन गरेसँगै आज दिउँसो प्रधानमन्त्रीलाई भेट्न पुगेका हुन् । भेटमा समसामयिक राजनीतिक विषय, गठबन्धन तथा चुनावी तालमेलका बारेमा छलफल भएको जनाएको छ ।